Skip to main content

അവിസ്മരണീയ വിസ്മയക്കാഴ്ച്ചകളൊരുക്കിയ മൂന്നാർ

തെക്കിൻ്റെ കാശ്മീർ എന്നറിയപ്പെടുന്ന , മുതിരപ്പുഴ, നല്ല തണ്ണി, കുണ്ടള എന്നീ മൂന്ന് ആറുകളുടെ സംഗമസ്ഥാനം,, മൂന്നാർ..... മഞ്ഞണിഞ്ഞ് വെള്ള പുതച്ച മലനിരകളും,, നട്ടുച്ചയ്ക്കു പോലും കാഴ്ച മറയ്ക്കുന്ന കനത്ത മൂടൽ മഞ്ഞും,, ഐസു പോലുറഞ്ഞ വെള്ളവും മരം കോച്ചും തണുപ്പും തുടങ്ങിയ മൂന്ന് പതിറ്റാണ്ടു മുൻപത്തെ മൂന്നാർ യാത്രയുടെ കുളിരിലാണ് വർഷങ്ങൾക്കു ശേഷം വീണ്ടുമൊരു യാത്ര പ്ലാൻ ചെയ്തത്. എന്നാൽ ആർദ്രമായ ഓർമകളെല്ലാം അന്യമായ എന്നാൽ അനന്യമായ അനുഭവങ്ങൾ,, അവിസ്മരണീയ വിസ്മയക്കാഴ്ചകൾ ആഴത്തിൽ പതിഞ്ഞ രണ്ട് ദിനങ്ങൾ ആണ് ഇത്തവണ മൂന്നാർ സമ്മാനിച്ചത്.......



വളഞ്ഞു പുളഞ്ഞ് മാമലകൾക്കരഞ്ഞാണം തീർത്ത വീതി കുറഞ്ഞ റോഡ്, കുത്തനെയുള്ള കയറ്റങ്ങളും  ഇറക്കങ്ങളും , അവധി ദിനങ്ങളിലെ സന്ദർശകരുടെ കുത്തൊഴുക്കും  മൂലം പല തവണ പല രൂപത്തിൽ പേടിപ്പിച്ചാണ് അവസാനം "ബേബി വില്ല 'യിലേക്ക് ഞങ്ങളെ എത്തിച്ചത്...


' ബ്രേക്കിട്ട്, വളയം തൊടില്ലെന്ന്  ദൃഢനിശ്ചയമെടുത്ത് കീഴടങ്ങിയ ഡ്രൈവർക്ക് പകരം പുതിയ ഡ്രൈവർ കം ഗൈഡ് ആയി എത്തിയ അബിൻ അധികം താമസിയാതെ കുടുംബാംഗമായി മാറിയപ്പോൾ ആകുലതകളില്ലാതെ,, ആശങ്കകളില്ലാതെ മൂന്നാറിൻ്റെ ദൃശ്യ സൗന്ദര്യം മനസിൻ്റെ കാൻവാസിൽ മഴവില്ലഴക് പോലെ മിഴിവുറ്റതായി .......

ചിത്തിരപുരം ഹൈഡ്രോ ഇലക്ട്രിക് പ്രോജക്ട്, ഇംഗ്ലീഷ് അധിനിവേശത്തിൻ്റെ അവശേഷിപ്പുകളിലൊന്നായ 1910 ൽ നിർമിതമായ  സി എസ് ഐ ചർച്ച്, സെമിത്തേരി,

ഇരവികുളം നാഷണൽ പാർക്ക്,, മറയൂർ ചന്ദന മരക്കാടും മുനിയറകളും,, മറയൂർ ശർക്കര നിർമാണ യൂണിറ്റും ദീർഘദൂര യാത്രയുടെ ആലസ്യമെല്ലാം അകറ്റി നിർത്തി..... തമിഴ് വംശജരുടെ താവളമായ 

കാന്തളൂർ,, അവിടുത്തെ കൃഷിസ്ഥല സന്ദർശനം എല്ലാം സായം സന്ധ്യയിലും മനസുനിറച്ചു. മൂന്നാറിൻ്റെ മടിത്തട്ടിൽ പിറന്നു വളർന്ന ,, ഇടവഴിയും പുതുവഴിയുമെല്ലാം കൈ വെള്ളയിൽ ആലേഖനം ചെയ്ത,, മൂന്നാറിൻ്റെ ചരിത്രവും ഭൂമിശാസ്ത്രവും, സംസ്കാരവും ഹൃദയത്തിലാവാഹിച്ച അബിൻ്റെ വിവരണങ്ങൾ ഞങ്ങളെ പലപ്പോഴും അദ്ഭുതപ്പെടുത്തി.....


അതിരാവിലെയുള്ള കുന്തള ഡാം യാത്ര,, മൂന്നാർ ടോപ്പ് സ്റ്റേഷൻ,,  വട്ടവട ,, മാട്ടുപ്പെട്ടി ഡാം,, ഗ്യാപ് റോഡ്,, അധികം സന്ദർശകരും എത്തിച്ചേരാത്ത തേയിലത്തോട്ടങ്ങൾ പച്ചവിരിച്ച മലനിരകളുടെ അഭൗമ സൗന്ദര്യം ആവോളം ആസ്വദിക്കാൻ കേവലം രണ്ട് ദിനങ്ങൾ കൊണ്ട് കഴിഞ്ഞതിൽ അബിൻ്റെ ആത്മാർഥമായ  അകലങ്ങളില്ലാത്ത ,, അക്ഷീണമായ സപ്പോർട്ട് വാക്കുകൾക്കതീതമാണ്,, നന്ദി പറഞ്ഞ് നശിപ്പിക്കുന്നില്ല നന്മകൾ ഒന്നും .......

ഒരു ഊർജ തന്ത്ര അധ്യാപകൻ്റെ അന്വേഷണ ത്വരയ്ക്ക് ഊർജമായും,, ഒരു സസ്യശാസ്ത്രാധ്യാപികയുടെ മനസിൽ ജൈവ വൈവിധ്യത്തിൻ്റെ കലവറ അനാവരണം ചെയ്തും,,, കുരുന്നു മനസിൽ കാടും മേടും പുഴയും കുന്നും തീർത്ത കുളിരും പകർന്ന ഒരു യാത്ര......

സന്തോഷകരമായ മുഹൂർത്തങ്ങൾ നിറഞ്ഞ ,,മനസിൻ്റെ ആഴങ്ങളിൽ മയിൽപ്പീലിത്തുണ്ടു പോലെ മിഴിവുറ്റ ഓർമകളായി മാറിയ മൂന്നാർ ദിനങ്ങൾ ,,,2024 ലെ വിഷുക്കണിയായ്........ദീപ്തമായ്,,, എന്നും ......❤️

Comments

Post a Comment

Popular posts from this blog

ലോകത്തിലെ ഏറ്റവും വലിയ ഉപ്പ് മരുഭൂമി- റൻ ഓഫ് കച്ച് |Largest salt desert in the world in Malayalam| Yathrakal ishtam

  ലോകത്തിലെ തന്നെ ഏറ്റവും വലിയ ഉപ്പ് മരുഭൂമി ഏതെന്ന് ചോദിച്ചാൽ ഒരൊറ്റ ഉത്തരമേയുള്ളൂ, അതാണ് റൻ ഓഫ് കച്ച്. ഗുജറാത്തിലെ കച്ച് ജില്ലയിലാണ് ഇത് സ്ഥിതി ചെയ്യുന്നത്. 2500 ചതുരശ്ര കിലോമീറ്ററാണ് ഈ ഉപ്പ് ഒരുഭൂമിയുടെ ആകെ വിസ്തീർണ്ണം.      ഒരു കാലത്ത് കടൽ കയറി കിടന്ന ഒരു ഇടമായിരുന്നു റൻ ഓഫ് കച്ച്. കാലക്രമേണ കടൽ പിൻവാങ്ങുകയും അവശേഷിച്ച കടൽജലം വറ്റിപ്പോകുകയും പിന്നീട് ഉപ്പ് രൂപം കൊള്ളുകയും ചെയ്തു. എല്ലാ മഴക്കാലത്തും അവിടെ മഴവെള്ളം കെട്ടിക്കിടന്ന് തടാകം രൂപപ്പെടുകയും, മഴക്കാലം അവസാനിക്കുമ്പോൾ ഉപ്പ് അവിടെ രൂപം കൊള്ളും.     സഞ്ചാരികളെ ഇവിടേക്ക് ആകർഷിക്കുന്ന ഒരു പരുപാടിയാണ് റൻ ഉദ്സവ്. ഗുജറാത്ത് ടൂറിസമാണ് ഈ പരുപാടി നടത്തുന്നത്. വർഷവും 3 മാസത്തോളം നീണ്ടു നിൽക്കുന്ന റൻ ഉദ്സവ് ഡിസംബർ മുതൽ ഫെബ്രുവരിവരെയാണ് നടത്തപ്പെടുന്നത്. 400 ൽ പരം കൂടാരങ്ങളിൽ താമസത്തിനും  മറ്റുമുള്ള സൗകര്യവും ഭക്ഷണശാലയും അടങ്ങിയിട്ടുണ്ട്. പരമ്പരാഗത നൃത്തം, സംഗീതം, കരകൗശലവിദ്യ, എന്നിവയാണ് ഇവിടെ ചിത്രീകരിക്കുന്നത്. ഇതിനെല്ലാം പുറമെ ഒരുപാടത്തികം സാഹസിക പരിപാടികളും ഇവിടെ നടത്തപ്പെടുന്നു. ഗുജറാത്തിൽ വരുന്...
Post a Comment
Read more

ഇന്ത്യയുടെ ആത്മീയ തലസ്ഥാനം-ഋഷികേശ് |Yathrakal ishtam| spiritual capital of India Rishikesh in Malayalam

Kedarnath temple Photo courtesy insta@ keraliann വടക്കൻ ഉത്തരാഖണ്ഡിലെ ഒരു നഗരമാണ് ഋഷികേശ്. ഹിമാലയൻ മലനിരകൾ അതിരിട്ടു നിൽക്കുന്ന താഴ് വരയിൽ പുണ്ണ്യനദിയായ ഗംഗയുടെ തീരത്താണ് ഋഷികേശ് സ്ഥിതി ചെയ്യുന്നത്. നൂറിലധികം ക്ഷേത്രങ്ങളും യോഗ കേന്ദ്രങ്ങളും, പ്രകൃതി മനോഹാരിതയുമാണ് ഈ സ്ഥലത്തെ സവിശേഷമാക്കുന്നത്     കേദാർനാഥ്, ബദരീനാഥ്, ഗംഗോത്രി, യമുനോത്രി എന്നീ ക്ഷേത്രങ്ങളിലേക്കുള്ള  യാത്ര ആരംഭിക്കുന്നത് ഇവിടെ നിന്നാണ്. പണ്ട് കാലത്ത് ഋഷിവര്യന്മാർ ശാന്തമായ ഗംഗയുടെ തീരത്ത് തപസ്സ് ചെയ്യതിരുന്നതായി പറയപ്പെടുന്നു. യോഗ കാപ്പിറ്റൽ എന്ന് അറിയപ്പെടുന്നത് ഋഷികേശാണ്. ഒരുപാടത്തികം യോഗ കേന്ദ്രങ്ങൾ ഇവിടെ പ്രവർത്തിച്ചുവരുന്നുണ്ട്. ആദ്യകാലത്ത് ആത്മീയത തേടിയായിരുന്നു ഏറ്റവുമധികം ആളുകൾ ഇവിടെ എത്തിച്ചേരുന്നത്. ഇപ്പോൾ ആത്മീയതക്ക് പുറമെ ടൂറിസവും പച്ച പിടിച്ചിട്ടുണ്ട്.     ഗംഗയിലുടെയുള്ള റിവർ റാഫ്ടിംഗ്, പാരാഗ്ലൈടിംഗ്, കായാക്കിങ്, ബൻജി ജംമ്പിങ്,  ക്യാമ്പിങ്. ഇത്തരത്തിലുള്ള നിരവധി സാഹസിക പ്രവർത്തനങ്ങൾ സഞ്ചാരികളെ ആകർഷിക്കുന്നുണ്ട്. 
Post a Comment
Read more

മൂന്നാർ ഹെഡ് വർക്ക്സ്അണക്കെട്ട് || headworks dam munnar in Malayalam

കിഴക്കിന്റെ  കാശ്മീരായ മൂന്നാറിലെക്ക് എത്തുന്ന നമ്മളെ സ്വീകരിക്കാനായി റോഡിന്റെ വലതു വശത്ത് നിൽക്കുന്നു മൂന്നാർ ഹെഡ് വർക്ക്സ് അണക്കെട്ട്.പെരിയാറിന്റെ പോഷക നദിയായ മുതിരപ്പുഴയാറിലാണ് ഈ അണക്കെട്ട്. സർ. സി.പി. രാമസ്വമി അയ്യർ ഹെഡ് വർക്ക്സ് അണക്കെട്ട് എന്നും ഇതറിയപ്പെടുന്നു. കുണ്ടള, മാട്ടുപ്പെട്ടി ഡാമുകളിൽ നിന്നും വരുന്ന വെള്ളത്തിന്റെ അളവ് നിയന്ത്രിച്ച് പള്ളിവാസൽ ജലവൈദ്യുത പദ്ധതിയിലേക്ക് വിടുന്നത് ഹെഡ് വർക്ക്സ് അണക്കെട്ടാണ്.   1944 -ൽ ആണ് ഈ അണക്കെട്ടിന്റെ പണി പൂർത്തിയായത് . ഹെഡ് വർക്ക്സ് അണക്കെട്ടിനോട് ചേര്‍ന്ന് നിൽക്കുന്ന മൂന്നാർഹൈഡൽ പാര്‍ക്കും തദ്ദേശീയരും വിദേശീയരുമായ വിനോദ സഞ്ചാരികളെ ആകർഷിക്കുന്നു.
Post a Comment
Read more